"E-MIAL" Эмчилгээ

"E-MIAL" Эмчилгээ.
Та бүхэнд имайлаар явуулсан нэгэн эмчилгээний үр дүнг таниулах зорилгоор нэгэн өвчний түүхийг дэлгэн барилаа.

-Сайн байна уу?, Эмчээ.Таньд энэ өдрийн мэнд хүргэе.Би таны бичсэн нийтлэл зөвлөгөөг уншиж,надад их таалагдлаа.Иймээс би таныг надад зөвөлгөө өгч туслана гэж найдаж байна.
Би одоо 42 настай саяхан хүүхэд төрүүлсэн. Охин маань 4 сартай.Би таньд илрээд байгаа зовиураа хэлж зөвөлгөө авах гэсэн юмаа.
Би төрөөд 4-5 хоногийн дараа даралт ихсээд 20 хоногийн дараа нүүр хавагнаж эхэлсэн.Эхлээд даралт ихээд байгааг мэдээгүй.Толгой жаахан өвдөөд өөр зовиургүй байсан.Даралт 160/100 болсон.Жирэмсэн үед 130/80 байсан.Жирэмсэн болохоос өмнө 90/60 байдаг байсан.
Миний баруун бөөр өвдөж хаяа эмнэлэгт хэвтдэг байсан архаг"Пиелонефрит" гэдэг оноштой эмчлүүлж байсан.
Сая жирэмсэн байхад хөлийн шилбэ бага зэрэг хавантай нуруугаар өвддөг байсан.
Мөн өнгөрсөн 9 сараар зүрхээр үе үе хатгаж өвдөөд дэлсээд байхаар нь зүрхний ЕХО д харуулж зүрхний бичлэг хийлгэсэн.Зүрх бүтцийн өөрчлөлтгүй гэсэн.
Харин төрсний дараа даралт ихсээд хэм алдагдаад эхэлсэн.Эмчид үзүүлэхэд төрсний дараах өөрчлөлт байна гээд эм өгсөн зүрхний дасалдаа арилсан.Харин зүрхний өвдөлт хэвээрээ.Одоо даралт 160/100 даралтын эм уухаар буугаад 110/80 болоод эргээд 140/90 тэгээд 160/100.даралттай болоод байна. Dopegit, Enap-5 гэсэн эмнүүдийг сар уусан,одоо үзүүлээд amlodipin гэдэг эм ууж эхлээд байна.
Миний энэ даралт бие даасан өвчин үү,бөөрнөөс үү гэдгийг сайн мэдэхгүй байна.Бөөрний үрэвсэл гээд антибиотек эмчилгээ хийлгэсэн,хаван арай гайгүй бөөр өвдсөөр,зүрх бэлбэгнээд байх юм.
Иймд та надад зөвөлгөө өгч тусална уу?.Даралтаа хэвийн болгоод эрүүл саруул охиноо өсгөмөөр байна.Төрсөний дараа бие сайн болдог гэж ярьдаг...

Таныг хүндэтгэсэн Л.Б

Эмч Бат-Оргил:
-Сайн байна уу?.Таны бичсэнийг уншиж ойлголоо.Таны бичсэн зовиураас харахад бөөрний гаралтай даралт байна.
Та юуны өмнө бөөрөө сайн эмчлүүлэх хэрэгтэй.Жирэмсэлтийн 2 дахь үеийн хордлогоос үлдсэн бөөрний даралт байна.Одоо сайн эмчилүүлээд ав үлдэцгүй сайн эдгэнэ.

Нялх хүүхэдтэй хүн химийн эм уух тийм сайн бишээ.
Тэгээд ч ууж байгаа эмнүүд чинь нэг их нэмэр болохооргүй байна.
Би таньд монгол эм тангийн нэрийг өгье.Та монгол эмнүүдийг олж аваад тасралтгүй 1-2 сар уух хэрэгтэй.Бие сайн боллоо гээд эмээ тасалж болохгүй уугаад байгаарай.
Үүнд: -Сожид
-Гоюу19
-Нейровален
-Задь5 гэсэн 4 эмийг аваад уу.
Та энэ эмнүүдээ олоод надад бичээрэй би уух зааврыг хэлж өгнө.
За түр баяртай.

Л.Б
-Сайн байна уу? Таныг хариу бичсэнд баярлалаа. Би таны бичсэн эмнүүдийг авлаа.Гоюу19 өөс бусадыг. Энэ эм байхгүй байсан,Гоюу7,11 гээд байна.
Тангуудаа уух явцдаа даралтын эмнүүдээ уух уу?.Би бас дхрхлт буулгадаг гэхээр соронзон бугуйвч зүүж байгаа энэ бас тан эмнүүдтэй харшилах уу?.
Уучлаарай би бас дутуу бичсэн байсан.Би 2 сард уламжлалын эмчид үзүүлээд Агар8,Ар үр10,Шижид6.Юнаа гэдэг эмнүүд сар уусан.

Эмч Бат-Оргил.

-Сайн байна уу?
Гоюу19 бахгүй бол Марчин13 гээд эм аваарай.Даралт бууруулах үйлчилгээтэй. Даралтынхаа эмнүүдийг ууж байхад болно.Тан эмнүүдтэй харшлахгүй.Гэхдээ химийн эмнүүд биед дасал болоод байдаг.Нөгөө талаар бөөрөө эмчилүүлэхэд даралт буурна.Дан ганц даралтын эм шинж тэмдэгийн эмчилгээ юмаа.
Та сар гаруй монгол эм уусан байна.Ямар нэгэн өөрчилөлт мэдэгдэж байна уу? Монгол эм удаан хугцаагаар ууж байж өвчөнийг сайтар эдгээнэ.
Эмээ уух заавар
1,-Задь5 өглөө хоолны дараа ууна.

2,-Нейроваленыг өдөр 12 цагийн үед ууна.

3,-Сожидыг 17 цагийн үед ууна.

4,-Марчин13 буцалгаад орой 20 цагийн үед уугаарай.

Захих юм байна:-Монгол эмнүүдээ марталгүй,залхууралгүй уугаарай.Монгол эмээ ууж байхдаа даралт буураад эхэлбэл химийн эмээ орхих хэрэгтэй.
За асуух зүйлээ бичиж байгаарай.

Л.Б
-Сайн байна уу? Маш их баярлалаа.Би таны зааврын дагуу эмээ марталгүй сайн ууна.Өвчинөө эдгээх юм чинь хариуцлагатай уунаа.
Монгол эм уугаад өөрчилөлт гарсан ууц нуруу бөөрөөр өвдөөд байсан нь багассан.
Нуруу хөшиж өвддөг.Эмээ сайн ууна.Баярлалаа

Л.Б
-Сайн байна уу? Эмчээ.Ажил сайн биздээ.Монгол эмнүүдээ ууж байгаа.
Нэг асуух юм байна.Манай хүүхдийн ам гэмтээд мөөгөнцөрдсөн байна гэнээ.Би төрсөний дараа Антибиотек их уусан юмаа.Тэгээд намайг мөөгөнцөрийн эм уу гэсэн юмаа.
Хөхөөр дамжиж хүүхдэд нөлөөлнө гэнээ. Тэр эсийг(Fungolon) уувал монгол эмтэй харшилах уу?.

эмч Бат-Оргил.
-Сайн байна уу? fungolon тантай харшлахгүй чи хөхүүл хүн бага тунгаар хэрэглээрэй.
Хөхөө сайн цэвэрлээд,хүүхдийнхээ амыг зөгийн балтай усаар цэвэрлээрэй.Зөгийн бал долоолгож бас болно амны гэмтэлд сайн.

Л.Б
-Баярлалаа.Даралт одоо 120/80 110/80 тай болоод байна,тэгэхээр химийн эмээ зогсоох уу?. Төрсөнөөсөө хойш бараг 4 сар химийн эм уусан байна шүү.

эмч Бат-Оргил.
-Даралт чинь хэвийн болсон байна.
Химийн эмээ зогсоогоод монгол эмээ ууж бөөрний архаг өвчинөө арилгахаар даралт өсөхгүй.

Л.Б
-Сайн байна уу эмчээ.Дахиад юм асууяа? Би ажилд ороод 2-3 хонож байна.
Тэгсэн явдал ихсээд тэр үү? хөлийн шилбэ хуруунууд хавагнаад байна өглөө босоход хаван буусан байх юм. Яах уу?,харж занах уу? хавангаа буулгах эм хэргэлэх үү? Түрүүнд ингэж хавагнаад даралт ихэссэн тэгэх вий гээд айгаад байна.

эмч Бат-Оргил.
-Хаван буулгах эм хэрэггүй.Цусаа шингэлэх 3 үрийн тан уугаарай.
Аспирин ууж болохгүй шүү.Судасны хана гэмтээдэг.
2 хөлдөө зүү тавиул хаван бууна. Нурууны гол булчингаа дагуулаад банк тавиул тэгвэл өвдөлт хийн судлаар хаван үүсэхгүй.

Л.Б
-Сайн байна уу? Эмчээ,Ажил сайн уу?.Би ажилдаа яваад л.
Хүүхэд одоо 5 сартай болж байна.Хөл хавангүй болсоон.3 үрийн тан ууж байгаа .
Би түрүүний email д эмээ 18 хоног ууж байна гэсэн 28 хоног ууж байгаагаа андуурсан байна.Одоо даралт үе үе 130/90-ээс 140/100n хооронд хэлбэлзээд байна.Ихэнхдээ 120/80 90тэй л байна.Ер нь ажиглаад байхад доод даралт арай л өндөр байх шиг.Химийн эм уухгүй байгаа.Ер нь даралт ихсэхээр нэг уучих гээд байдаг нь больчихсон байна.
Таны блогт ороод таны бичсэн нийтлэл,зөвлөлгөөг уншаад,Таныг миний өвчнийг эдгээж чадах хүн шиг санагдсан.Надад үргэлж,цааргалахгүй email бичиж зөвөлгөө өгч байдагт чинь маш их баярлаж явдаг шүү эмчээ.

эмч Бат-Оргил.
- Урам хайрласанд баярлалаа.
Монгол эмнүүдээ ууж л бай.Тэгэж байгаад доод даралт хэвэндээ орно.
Доод даралт агаарын даралтаас болж хэлбэлздэг.
Биеийн жин багсаж байна уу?

Л.Б
-Баярлалаа. Монгол эмээ уугаад сар болж байна.Би төрсөний дараа 10 кг жин нэмсэн.
Одоо бага багаар буурч байгаа.
Эмчээ. Манай нэг найз надад Төвдийн Сориг цай гээд нэг цай авчирч өглөө.
Даралт бууруулдаг, цусны эргэлт сайжруулдаг үйлчилгээтэй гэнэ.
Энэ цайг Мандал Иог гэж Иогийн төвөөс (энд хотод байдаг юм байна) авсан гэнээ.
Би сайт руу нь орж харлаа. Би гэхдээ энэ цайг хэрэглээгүй байгаа л даа.
Та энэ цайны талаар мэдэх үү. Хэрвээ уувал миний ууж байгаа тангуудтай таарах уу.

эмч Бат-Оргил.
- Ургамалын гаралтай болохоор харшлахгүй.
Харин зарим ургамалын цай зарим хүнд таарахгүй байдаг.Уухаар дотор муухай оргиулаад байдаг.Голдуу бамбай булчирхайн ажилгаа сул хүмүүст.

Л.Б
- Баярлалаа эмчээ. Би түрүүн гэнэт бие хачин болоод толгой халуу оргиод байхаар нь даралтаа үзсэн чинь 160/100 болчихож. Тэгэхээр нь айгаад эм уучихлаа. Ямар ч зовиургүй л байсан юм. Өглөө хэмжихэд 130/90тэй байсан. Гэнэт ингэдэг юм байх даа. хэл ам ээдрээд, аймаар сонин болсон. Одоо яах вэ?

эмч Бат-Оргил.
-Цаг агаартай холбоотой цус өтгөрөлтөөс болж хаяа тэгнээ.Сандралтгүй монгол эмээ тогтмол ууж бай.
Харин цусанд TSH гээд бамбайн үйл ажилгааны шинжилгээ хийлгээрэй.

Л.Б
-Би бамбайтай.Удамынх.Шинжилгээний хариу гарахаар таньд бичнэ.
Таныг ойрхон бол очоод үзүүлэх юмсан.
Шинжилгээний хариу гарсан байна танд явууллаа.
Shees: Epitel /hagvtgai - 0-1-1
Leikotsit -0-0-1, Davsnuud oksalat) +++
uurag - net
sahar - (-)
Biohimi: Sahar - 5.95mmoli/l
Kreatinin - 63.3mk moli/l
Mochevin - 14.2 mg/dl
Cholestorol - 223 mg/dl
Triglyscerides - 53 mg/dl
HDL - 70.4 MG/DL\
LDL- 154 MG/DL
tG- aB (Anti-Tg) 6.1 IU/ml
Anti -TPO (AMS-ab) - 2.1 IU/ml
Total T3 - 1.43 ng/ml\
Free T4 - 0.99 ng/dl
TSH - 1.410 uIU/ml
Та үзээд хариу өгөөрэй.

эмч Бат-Оргил.
-Чиний шинжилгээнүүд сайн байна.
Жирэмсэлтийн хордлого цуснаас гарч дуусахаар сайн болно.
Жирэмсэлтийн сүүл үеийн хордлогийн дотоод шүүрлийн хямралын үлдэц байна.
Монгол эмнүүдээ уугаад байхад тогтворжино.

Л.Б
-Сайн байна уу? эмчээ. Таны ажил сайн уу?. Би сайн. Би бөөрний үйл ажиллагааны изотоп гэдэг юм хийлгээд. хариу нь:
2 бөөрний хэлбэр зөв. Хэмжээ байрлал хэвийн. Перфузи хэвийн, секреци багассан, контур тод, паринхимийн шингээлт бага зэрэг жигд бус, 2 бөөрний а/т/с нь дунд зэрэг тэлэгдсэн, ялгаруулах үйл ажиллагаа хэвийн, сааталгүй. Шээлтүүр хэвийн. Үйл ажиллагааны эзлэх хувь - зүүн бөөр -60 %, баруун бөөр - 40 %
Total GFR - 122 мл/мин: зүүн бөөр - 68,3 мл/мин, баруун бөөр - 54 мл/мин гэсэн хариу гарсан. Би ойлгохгүй юмаа. Ямаршуухан байгаа бол эмчээ.


эмч Бат-Оргил.
-Одоогоор бөөрний чулуугүй архаг үрэвсэлийн шинж байна.
Санаа зовох юм алга.

Л.Б
-За ашгүй дээ. Санаа амарлаа. Баярлалаа эмчээ.
Би монгол эмнүүдээ ууж л байх уу. Одоо уугаад 2 сар болсон.
Энэ пиелонефрит гэдэг бөөрний өвчин чинь хэцүү л өвчин шиг байна..
Би интернетээс олж уншлаа. Би бараг 10 жил ийм оноштой явсан байх юм.
Картаа ухаж үзлээ. Залуу байхад бөөрний үрэвсэл гэхээр байх ёстой юм шиг ерөөсөө тоодоггүй байж.

эмч Бат-оргил.
-Монгол эмээ завсарлаж болно.

Бие чинь их сайжирсан байна.Одоо санаа зоволтгүй.Ажилаа хийгээд хүүхдээ асараад гялалзаад байх болжээ.

Чамд болон Танай гэр бүлд эрүүл энх,аз жаргал сайн сайхныг хүсэн ерөөе.
Хүн болгон чам шиг эрүүл мэндээ анхаарч эмчилүүлдэг байгаасай.
Эмч болгон харамгүй зөвөлгөө өгч алсын зайн эмчилгээг сайтар хийх болтугай.
Энэхүү эмчилгээг уншсан хүн болгон нэгийг олж мэдсэн байгаад баярлалаа.