Турах- Амьдралын хэв маягыг өөрчлөх арга юм.

                   "Турах"- Амьдралын хэв маягыг өөрчлөх арга юм.

 Дэлхийн 2-р дайны дараагаар энх тайвныг эрхэмлэж, дайны уй гашууг мартуулах, тайвшруулах, улс орон бүр ард түмнээ жаргаах бодлого баримталж ууж, идүүлж, хязгааргүй нарьгиулж эхэлсэн нь таргалалтын эх үүсвэр болсон.

 Олон төрлийн архи, исгэлэн бүтээгдэхүүн вино, шампансаг, пиво, шимийн архи, бараашиг, ундаа, компотууд хүний цусанд сахар болон нийлэгжиж, бэлэн болон, хагас бэлэн бүтээгдэхүүний үйлдвэрлэл, түргэн хийгдэх хоолны өрсөлдөөн дэлхийг ноёрхож, Mc donalds, Burgers, Hot pizza, Hot dogs, Hot chiken, хоолны сүлжээ өнгө бүрийн туг далбаатайгаар дэлхийг бүрхсэнээс, гадна монгол үндэсний хоолны ноёрхол, хоолон гэрүүд, хүнийг хоолны үнэр амтаар байлдан дагуулсаар таргалалт эрс нэмэгдсэн сүүлийн 20 жилд  гудамжаар дүүрэн түнтгэр залуус явах бөгөөд, зарим хэсэг нь эмнэлэг, эмч бараадан, эм уух нь олширч байна.    
 

 Залуусын дуртай дуулаад, бүжиглээд  байгаа  "Гангнам стайл"  урлагын ертөнцөд шинэ хэв маягыг өөрчилсөн менежерын гавьяа. Тэгвэл хүн өөрөө турах, амьдралын хэв маягыг өөрчлөх аргад энэ хөгжмийн хэмнэлийг ашиглаж болно.

 40 хүртэлх насны залуусын турах, өөрийн амьдралын хэв маягаа  өөрчлөх  бүрэн дүүрэн бололцоо бий. Эхлээд турах хүн идэж байгаа хоолондоо анхаарал тавих нь мэдээж.
 

 Хоёр идэхгүй  хоосон хонохгүй гэсэн зарчим баримталж, биеийн жингээ нэг хэвийн болгож, хөдөлгөөнийг эрхэмлэж байгаа залуусыг   "Хэвийн хэв маяг"  амьдралтай гэж үзнэ.
 

 Харин биеийн жингээ хэвийн байлгахаас гадна, өдрийн ажлаа дуусгаад бие бялдаржуулах урлагаар хичээллэж, биеийн хүчний дасгал сургуулалтаар хичээлдэг. Гэр орныхоо хүмүүсийг болон найз нөхөдөө уриалан дууддаг  "Спортлог хэв маяг" амьдралтай болсон хүмүүс байдаг.
 

 Өөрсдийн эрүүл мэндээ дээдлэхийн зэрэгцээгээр бүжиглэж шоудах,  караокед дуулах, өндөр үнэ бүхий гольф, боулинг, биллард, морь унах  тоглоомуудыг тоглодог 
" Тансаг хэв маяг" эрхэмлэдэг хүмүүс байдаг.
 

 Жүжигчид, дуучид, зохиолчид  болон телевиз, сурталчилгааны ажилчид толинд харах бүртээ таргалчих айдсыг дагуулан, өөрсдийн биедээ, хувцаслалтандаа анхаарсан "Урлагын хэв маяг" зарим нэг нь этгээд хувцасны загвар сонгож хүний нүдэнд содон байхыг эрмэлздэг.
  

  Эрүүл биеийн үнэ цэнийг өөрийн амьдралаас ухаж ойлгосон эм, эмчилгээний ухааныг мэдэрсэн, хөдөлгөөний хомсдолыг арилгаж чадсан байнгын дасгал хөдөлгөөнийг эзэмшиж чадсан бүлэглэл, секцийнхэн,  иогийнхон, бясалгалтай хослуулсан сувилалынхан, зэрэг "Ухааралын хэв маяг" эрхэмлэгч хүмүүс бий.
 

  Бас бие эрүүл байхад таргалах, турахын тухай бодолгүй явдаг "Тодорхой бус хэв маяг" байна.
 

 Энэ хэв маяг дэлхийн нийтийн таргалалтын өвчнийг үүсгэн тараагч нар гэхэд хэлсдэхгүй.

  Тодорхой бус хэв маягаар амьдарч, зөнгөөрөө явж байгаад таргалсан хүмүүсийн турах гэсэн оролдлого бүтэл муутай болоод байдаг. Тэд дандаа турах тухай бодно. Идэвх санаачлагатай.
 

  Таргалалттай зэрэгцэн хүний дотоод шүүрлийн булчирхайг зохицуулагч өнчин тархины үйл ажилгаа сулраад эргэн сэргэлт удааширдаг. Өнчин тархины TSH даавар нь бамбай булчирхайн ажилгааг өдөөх нь багасаж, хүний дотоод шүүрлийг ажилгааг доголдуулаад байдаг.  Үүнийг мэдэж турах үйлдлийг маш хянуур хийж. Эмчид байнга үзүүлэх хэрэгтэй.

Таргалалт дэлхийн эрүүл мэндийн байгууллагын тулгамдсан асуудал болсоноос гадна, тураах, эм бэлдмэлийн өрсөлдөөн дэлхийг хамарч, томоохон эм бэлдмэл, худалдааны байгууллагууд, ашгийн төлөө хүний биед сөрөг нөлөөтэйг анхааралгүй тураах эм бэлдмэл гаргаж, худалдаалдаг.
 Тураах  эм цай, эмнүүдийн найрлага тухайн хүний биед нөлөөлөх, нөлөөлөхгүй байдаг.

 Хүний биеийн  химийн урвалжуудаас шалтгаалан тураах бэлдмэлүүдийн үр дүн өөр өөр.

Хүнийг тураах олон янзын арга өнөөг хүртэл нэвтэрч үр дүнд хүрч байгаа ч сөрөг үр дагавар гараад байдаг. Тураах бэлдмэлүүдийн дараа эргэн ихээр таргалуулж, дотоод шүүрлийг багасгана.

 Хүний дотоод шүүрлийн үйл ажилгааны алдагдлаас таргалалт үүсэж дэлхий даяар тахал мэт тархсанаас олон янзын өвчний эх үүсвэр  болсон.

  Нэн түрүүн цусанд холестрол, триглицирид, сахар, ихсэж даралт ихсэх, мэдрэлийн гаралтай өвчин, чихрийн өвчин, бөөрний дээд булчирхайн дутмагшил, эмэгтэйчүүдийн өвчний эх үүсвэрүүд болдог. 

 Төрсний дараа эхчүүдийн дотоод шүүрлийн үйл ажилгааг эргэн хэвийн байдалд оруулаагүйгээс таргалалт ихсэнэ. Хоолны дуршил ихсэх тусам хөдөлгөөн багсана. Цаашид бамбай булчирхай болон нойрбулчирхайн үйл ажилгаа алдагдаж, хэт таргалах, хэвлийд өөх хуралдаж, метаболизм болж хуралдсан өөх биед харшлах ген болсоноор өөрөө болон төрсөн хүүхдийн өвчлөл их болоод байна. Төрсөн эх турж чадахгүй  булчирхайн таргалалт үүссэнээр даралт өндөр болох, сэтгэл санааны хямралаас сэтгэцийн өөрчилөлт "Психопат" тай болох , цусанд чихэр ихдэх, зэрэг олон уршиг дагуулаад байдаг.
 Манай өнөөгийн байдал амаржих газрын хүрэлцээ муугаас гадна, төрсөн бүсгүйчүүдийг  хэвийн байдалд оруулах, тэдэнд анхаарал тавьж, туслах нэг ч нөхөөн сэргээлтийн эмнэлэг, зөвлөх амбулатор харагдахгүй байна.  Эхчүүдэд туслах, тусгайлсан эмчилгээ хяналтын болон эхийн сүүг хүлээн авч сүүн донор бэлдэх  станц, эмнэлэг байх шаардлагатай.
 Эмчилгээг явуулахдаа дотоод шүүрлийн булчирхайн хямралыг арилгахад  монгол эмийн хүчийг хэргэлэх шаардлагатай. Монгол эм хөхүүлж байгаа эхэд, хүүхдэд харш нөлөөгүй байдгаас гадна, дааврын дутмагшилыг арилгаж, эхчүүдийн эрүүл мэндэд тустай. Үүний зэрэгцээ хөдөлгөөний зөв дасгалуудыг хийлгэх, хөхний сүүний татралтыг багасгах, гордолт болон сэтгэлийн хямаралыг арилгаж байхад сүүн булчирхай зангирч бэрсүү үлдэх, мастит үүсгэхгүй байх чухал байдаг.
 Хэрвээ хүн дотоод шүүрлийн булчирхайн гүн хямралд ороогүй бол, бөөрний дээд булчирхайн гаралтай удамшилын өвчингүй бол, хоромсомын өөрчлөлтийн онцгүй өвчингүй бол, сэтгэцийн өөрчилөлтгүй байвал, насан өндөр биш бол...

         Хүний турах хүсэл, хүн өөрийгөө ялан дийлж чадвал турж чадна.